"Наполи"нинг бельгиялик ярим ҳимоячиси Кевин Де Брюйне неаполликлар бош мураббийи Антонио Конте ва "Манчестер Сити" устози Хосеп Гвардиола ўртасидаги фарқлар ҳақида гапирди.
"Хулоса чиқариш қийин, ахир мен "Наполи" сафида бор-йўғи иккита ўйин ўтказдим. Лекин Контенинг услуби Пепникидан кескин фарқ қилади. У кўпроқ тактик ва бироз секинроқ. Ўйин бошқача қурилади, ҳатто бу ердаги майдон ҳам бошқача - қуруқроқ, бу ҳам ўйин суръатига таъсир қилади," - дея Де Брюйненинг сўзларини келтиради Football Italia.
Эслатиб ўтамиз, жорий йилнинг ёзида 34 ёшли хавбек "Манчестер Сити"ни тарк этиб, эркин агент мақомида "Наполи"га ўтган эди.
