"Barselona" "Valensiya"ni 6000 tomoshabinga mo‘ljallangan stadionida qabul qiladi.
La Liganing 4-turidan o‘rin olgan "Barselona" - "Valensiya" uchrashuvi 14 sentyabr, yakshanba kuni bo‘lib o‘tadi.
"Kamp Nou"dagi rekonstruksiya ishlari tugallanmagani sababli Kataloniya klubi uzoq vaqt davomida o‘yin o‘tkaziladigan joyni belgilay olmadi.
"Klub yaqin haftalarda "Kamp Nou"ni ochish uchun zarur ma’muriy ruxsatnomalarni olish ustida faol ishlamoqda. Shu munosabat bilan o‘yin "Estadi Yoxan Kroyff"da bo‘lib o‘tadi.
"Barselona" o‘z a’zolari va muxlislariga yangilangan "Kamp Nou" stadioniga qaytishdek mashaqqatli, ammo hayajonli jarayonni tushunganliklari va qo‘llab-quvvatlaganliklari uchun minnatdorchilik bildiradi.
Tez orada klub o‘yinni tashkil etish va chiptalarni sotish tartibi bo‘yicha batafsil ma’lumot beradi", — deyiladi "ko‘k-anorranglilar"ning rasmiy xabarida.
Eslatib o‘tamiz, avvalroq La Liga "Barselona"ga istisno tariqasida "Valensiya"ga qarshi 6000 tomoshabinga mo‘ljallangan arenada o‘ynashga ruxsat bergan edi.
