"Barselona" markaziy himoyachisi Andreas Kristensen o‘z imkoniyatlarini optimistik baholamoqda.

29 yoshli futbolchi joriy mavsumda aynan u Pau Kubarsi bilan duetda o‘ynashiga ishonchi komil, deb xabar beradi Cadena SER. Daniyalik futbolchi bosh murabbiy Xans-Diter Flik unga xayrixoh ekanligini ko‘rib turibdi va murabbiyning ishonchini oqlamoqchi.

Andreas Kristensen o‘tgan mavsumda jarohatlar tufayli juda kam maydonga tushgandi. Joriy mavsumda futbolchi "ko‘k-anorranglilar"ning La Ligadagi uchta o‘yinidan ikkitasida ishtirok etdi. "Rayo Valekano"ga qarshi kechgan so‘nggi uchrashuvda tajribali markaziy himoyachi asosiy tarkibda maydonga tushdi.