Madridning "Real" klubi va Fransiya terma jamoasi yulduz hujumchisi Kilian Mbappe o‘z mavqei tufayli hech qachon o‘zini qirol deb his qilmaganini aytdi.
"Men ko‘p pul ishlash baxtiga muyassar bo‘ldim, lekin hech qachon meni qirol deb hisoblashlarini, menda to‘liq erkinlik borligini, menga hamma narsaga "ha" deyishlarini his qilmaganman," - dedi futbolchi L’Equipe nashriga bergan intervyusida.
Ispaniya chempionatining joriy mavsumida Mbappe "qaymoqranglilar" safida uchta o‘yinda uchta gol urishga muvaffaq bo‘ldi. Uning jamoasi to‘qqiz ochko bilan turnir jadvalida birinchi o‘rinni egallab turibdi.
