Samarqand shahrida shaxmat bo‘yicha FIDE Grand Swiss va FIDE Women’s Grand Swiss musobaqasi doirasida kecha 7-tur bahslari bo‘lib o‘tdi.
O‘zbekistonlik erkak shaxmatchilar uchun mazkur tur omadliroq keldi. 9 nafar erkak sportlarimizning 4 nafari g‘alaba qozongan bo‘lsa, 2 nafari durang o‘ynadi.
Musobaqa g‘olibligi uchun asosiy da’vogarlardan bo‘lgan Nodirbek Abdusattorov eronlik Amin Tabataboiyga qarshi bahs debyutida qo‘lga kiritdi va mahorat bilan o‘yinni g‘alabagacha olib bora oldi.
Javohir Sindarov esa armanistonlik Robert Oganesyanga qarshi partiya endshpilida g‘alabani ilib ketdi. Abdumalik Abdusalimov ham arman shaxmatchisi Xaik Martirosyanni mag‘lub etgan bo‘lsa, Jahongir Vohidov turnirda eng past reytingga ega bo‘lgan nigeriyalik Tennison Evomazion Olisa ustidan tezkor g‘alabaga erishdi.
6-turdan keyin Nodirbek Abdusattorov 5,0 ochko to‘plagan jadvalda 6-o‘ringa ko‘tarilib oldi. U peshqadamlarda atiga 0,5 ochko ortda qolmoqda. Hamyurtimiz bugun AQSHlik Abhimanyu mishraga qarshi qora donalarda o‘ynaydi.
Qizlarimiz uchun 7-tur omadsiz bo‘ldi. Guldona Karimova va Gulruhbegim Tohirjonova o‘yinni durang bilan yakunlashdi. Afruza Hamdamova ea kecha musobaqadagi ilk mag‘lubiyatni qabul qildi va 16-o‘ringa tushib ketdi.
FIDE Grand Swiss 2025 — 7-tur natijalari (O‘zbekiston vakillari)
Erkaklar (Open):
Nodirbek Abdusattorov — Amin Tabataboiy (Eron) - 1:0
Javohir Sindarov — Robert Oganesyan (Armaniston) - 1:0
Nodirbek Yakubboyev — Aliriza Firuzja (Fransiya) - 0:1
Shamsiddin Vohidov — Vasiliy Ivanchuk (Ukraina) - 0,5:0,5
Muhiddin Madaminov — Aleksandar Injich (Serbiya) - 0,5:0,5
Jahongir Vohidov - Tennison Evomazion Olisa (Nigeriya) - 1:0
Abdumalik Abdusalimov — Xaik Martirosyan (Armaniston) - 1:0
Ortiq Nig‘matov — Maksim Chigayev (Ispaniya) - 0:1
Muhammadzohid Suyarov — Daniyel Darda (Belgiya) - 0:1
Ayollar (Women’s):
Afruza Hamdamova — Mariya Muzichuk (Ukraina) - 0:1
Gulruhbegim Tohirjonova — Oliviya Kiolbasa (Polsha) - 0,5:05
Guldona Karimova — Anna Ushenina (Ukraina) - 0,5:05
Umida Omonova — Agraval Vantika (Hindiston) - 0:1
Madinabonu Xalilova — Teodora Injach (Serbiya) - 0:1
Musobaqada bugun 8-tur o‘yinlari bo‘lib o‘tadi. O‘yinlar 15:00da boshlanadi.
Erkaklar (Open):
Nodirbek Abdusattorov — Abhimanyu Mishra (AQSH)
Javohir Sindarov — Abhimanyu Puranik (Hindiston)
Nodirbek Yakubboyev — Endi Vudvord (AQSH)
Shamsiddin Vohidov — Narayanan (Hindiston)
Muhiddin Madaminov — Velimir Ivich (Serbiya)
Jahongir Vohidov - Gabriyel Sargisyan (Armaniston)
Abdumalik Abdusalimov — Frederik Svane (Germaniya)
Ortiq Nig‘matov — Daniyel Darda (Belgiya)
Muhammadzohid Suyarov — Dennis Vagner (Germaniya)
Ayollar (Women’s):
Afruza Hamdamova — Elina Daniyelian (Armaniston)
Gulruhbegim Tohirjonova — Anna Shuxman (Rossiya)
Guldona Karimova — Joka Gall (Vengriya)
Umida Omonova — Kluadia Kulon (Polsha)
Madinabonu Xalilova — Leyla Javaxishvili (Gruziya)
