"Monako" "Mets"ni 5:2 hisobida mag‘lub etdi. Ushbu g‘alabada qanot hujumchisi Ansu Fati muhim rol o‘ynadi va dubl qayd etdi. O‘yindan so‘ng u OAV bilan suhbatlashdi.
"Uydagi g‘alabadan juda xursandman. O‘zimni juda yaxshi his qilyapman va jamoaga yordam bera olaman. Yana futbol o‘ynash menga yoqadi. Kelganimdan beri klubda men va Pol uchun ajoyib reja bor edi, biz shu vaqtgacha unga amal qildik.
Har bir o‘yin - bu o‘zini ko‘rsatish uchun imkoniyat. Nima bo‘lishidan qat’i nazar, bugun juda xursandman. Kelajakda nima bo‘lishini hech kim bilmaydi, lekin har qanday holatda ham men jamoaga yordam berish uchun qo‘limdan kelganini beraman", - dedi Fati.
