"Barselona" klubi o‘zining rasmiy saytida yarim himoyachi Gavining holati haqida bayonot berdi.
21 yoshli Gavi o‘ng tizzasining ichki menisk jarohati bo‘yicha konservativ davolanishni tugatgandan so‘ng, intensiv stress testlaridan o‘tdi.
"Eng yaxshi tiklanishni ta’minlash uchun Gavi seshanba kuni klubning tibbiy shtabi nazorati ostida doktor Joan Karles Monlyau tomonidan artroskopik tekshiruvdan o‘tkaziladi," - deyiladi bayonotda.
Jarayon yakunlangach, "Barselona" alohida press-reliz e’lon qilishga va’da berdi.
Gavi oxirgi marta "Barselona"da deyarli bir oy oldin - 23 avgust kuni o‘ynagan edi.
