"Bolonya" bosh murabbiyi Vinchenso Italyano Yevropa Ligasi umumiy bosqich 1-turidan o‘rin olgan "Aston Villa"ga (0:1) qarshi o‘yindagi mag‘lubiyat haqida fikr bildirdi.
"Dastlabki 20 daqiqada "Aston Villa" tez-tez qarshi hujumlar uyushtirdi va juda ko‘p burchak zarbalari ishlab oldi. Keyin biz yaxshi ishladik, ko‘plab vaziyatlar yaratdik, garchi uchinchi zonada yaxshiroq qarorlar qabul qilishimiz mumkin edi. Yigitlar ko‘rsatgan ruhiyatdan mamnunman. Afsuski, biz birorta ochko ololmadik," - deya Italyanoning so‘zlarini keltiradi UEFA matbuot xizmati.
