Og‘ir atletika bo‘yicha O‘zbekiston terma jamoasi ham bo‘lajak musobaqalarga qizg‘in hozirlik ko‘rmoqda.
Olimpiada chempionlari Ruslan Nurudinov va Akbar Jo‘rayev 2-11-oktyabr kunlari Norvegiyaning Fyorde shahrida o‘tadigan jahon chempionatiga, terma jamoaning qolgan a’zolari noyabr oyida Saudiya Arabistonining Ar-Riyod shahri mezbonlik qiladigan Islom birdamligi o‘yinlariga tayyorlanishmoqda.
Chirchiq shahrida o‘tayotgan mashg‘ulotlar davomida murabbiylar shtabi sportchilar bilan maxsus texnik harakatlar ustida ishlamoqda.
