"Barselona"ning 18 yoshli yarim himoyachisi Mark Bernal Ispaniya U21 terma jamoasi qaydnomasidan chiqarildi. Bu haqda Ispaniya futbol federasiyasi matbuot xizmati xabar bermoqda.
Ta’kidlanishicha, Bernal o‘zini noqulay his qilgan va shu sababli futbolchini oktyabrdagi yig‘inga jalb qilmaslikka qaror qilingan.
Eslatib o‘tamiz, Bernal sentyabr oyi o‘rtalaridagina maydonga qaytdi. Yil davomida futbolchi tizzasining xochsimon bog‘lamlari jarohatini davoladi. Bu mavsumda yarim himoyachi barcha musobaqalarda 3 ta o‘yinda maydonga tushdi va 1 ta assistni o‘z hisobiga yozdirib qo‘ydi.
29 sentyabr kuni "Barselona" Bernal bilan shartnomani 2029 yilning yarmigacha uzaytirganini e’lon qildi.
