"Барселона"нинг 18 ёшли ярим ҳимоячиси Марк Берналь Испания U21 терма жамоаси қайдномасидан чиқарилди. Бу ҳақда Испания футбол федерацияси матбуот хизмати хабар бермоқда.
Таъкидланишича, Берналь ўзини ноқулай ҳис қилган ва шу сабабли футболчини октябрдаги йиғинга жалб қилмасликка қарор қилинган.
Эслатиб ўтамиз, Берналь сентябрь ойи ўрталаридагина майдонга қайтди. Йил давомида футболчи тиззасининг хочсимон боғламлари жароҳатини даволади. Бу мавсумда ярим ҳимоячи барча мусобақаларда 3 та ўйинда майдонга тушди ва 1 та ассистни ўз ҳисобига ёздириб қўйди.
29 сентябрь куни "Барселона" Берналь билан шартномани 2029 йилнинг ярмигача узайтирганини эълон қилди.
