"Vilyarreal" yarim himoyachisi Santi Komesanya Madridning "Real" klubiga qarshi o‘yindagi hakamlikni tanqid qildi.

Uchrashuv shanba kuni bo‘lib o‘tdi va "qaymoqranglilar"ning 3:1 hisobidagi g‘alabasi bilan yakunlandi. 77-daqiqada Santyago Mourinyoning maydondan chetlatilishi bilan bog‘liq epizodlar jiddiy bahslarga sabab bo‘ldi.

"Men yaxshi tushunmayapman, lekin hakamda penalti belgilash uchun boshqa sabablar bo‘lgan bo‘lishi mumkin. Bu o‘yinga katta ta’sir ko‘rsatdi. Mourinyoning chetlatilishi haqida gapiradigan bo‘lsak, u shunchaki raqib qarshisida turgandi. "Bernabeu"da shundoq ham o‘ynash juda qiyin, bunday hakamlik qarorlari bilan esa vazifa yanada murakkablashadi," - dedi Komesanya DAZN bilan suhbatda.