"Вильярреал" ярим ҳимоячиси Санти Комесанья Мадриднинг "Реал" клубига қарши ўйиндаги ҳакамликни танқид қилди.

Учрашув шанба куни бўлиб ўтди ва "қаймоқранглилар"нинг 3:1 ҳисобидаги ғалабаси билан якунланди. 77-дақиқада Сантьяго Моуриньонинг майдондан четлатилиши билан боғлиқ эпизодлар жиддий баҳсларга сабаб бўлди.

"Мен яхши тушунмаяпман, лекин ҳакамда пенальти белгилаш учун бошқа сабаблар бўлган бўлиши мумкин. Бу ўйинга катта таъсир кўрсатди. Моуриньонинг четлатилиши ҳақида гапирадиган бўлсак, у шунчаки рақиб қаршисида турганди. "Бернабеу"да шундоқ ҳам ўйнаш жуда қийин, бундай ҳакамлик қарорлари билан эса вазифа янада мураккаблашади," - деди Комесанья DAZN билан суҳбатда.