"Chelsi" himoyachisi Ris Jeyms dam olish kunlari jarohat oldi va oktyabr oyida Angliya terma jamoasiga yordam bera olmaydi. Jeymsning jarohati inobatga olinib, Angliya terma jamoasi qarorgohiga "Manchester Siti"dan Niko O'Rayli chaqirildi. Bu haqda "uch sherlar" saytida ma’lum qilingan.
O'Rayli 20 yoshda, u hali Angliya terma jamoasida o‘ynamagan. Niko ham chap qanot himoyasida, ham markaziy yarim himoyachi pozisiyasida o‘ynashga qodir.
Bu oy Angliya terma jamoasini ikkita o‘yin kutib turibdi. Dastlab Tomas Tuxel jamoasi o‘rtoqlik uchrashuvida Uelsni qabul qiladi (9 oktyabr), so‘ngra 2026 yilgi jahon chempionati saralash bosqichi doirasida Latviya mehmoni bo‘ladi (14 oktyabr).













