"Челси" ҳимоячиси Рис Жеймс дам олиш кунлари жароҳат олди ва октябрь ойида Англия терма жамоасига ёрдам бера олмайди. Жеймснинг жароҳати инобатга олиниб, Англия терма жамоаси қароргоҳига "Манчестер Сити"дан Нико О'Райли чақирилди. Бу ҳақда "уч шерлар" сайтида маълум қилинган.
О'Райли 20 ёшда, у ҳали Англия терма жамоасида ўйнамаган. Нико ҳам чап қанот ҳимоясида, ҳам марказий ярим ҳимоячи позициясида ўйнашга қодир.
Бу ой Англия терма жамоасини иккита ўйин кутиб турибди. Дастлаб Томас Тухель жамоаси ўртоқлик учрашувида Уэльсни қабул қилади (9 октябрь), сўнгра 2026 йилги жаҳон чемпионати саралаш босқичи доирасида Латвия меҳмони бўлади (14 октябрь).
