"Arsenal" yarim himoyachisi Deklan Rays Angliya terma jamoasi qarorgohiga kelib, umumiy guruhda mashg‘ulot o‘tkazmoqda, deya xabar bermoqda The London Standard.
26 yoshli futbolchi APLning 7-turidan o‘rin olgan "Vest Xem"ga qarshi o‘yinda bel og‘rig‘idan shikoyat qildi. U 79-daqiqada zaxiraga olindi.
O‘tkazilgan tibbiy ko‘rikda yarim himoyachining jiddiy jarohat olgani aniqlanmadi.
2025/26 yilgi mavsumda Rays barcha musobaqalarda 10 ta o‘yinda 1 ta gol urdi ("Vest Xem" bilan o‘yinda) va 3 ta golli uzatmani amalga oshirdi. Terma jamoa safida 68 ta o‘yinda 6 ta gol va 6 ta golli uzatmaga mualliflik qilgan.
Angliya terma jamoasi 9 oktyabr kuni Uelsga qarshi o‘rtoqlik o‘yinida maydonga tushadi.
