"Арсенал" ярим ҳимоячиси Деклан Райс Англия терма жамоаси қароргоҳига келиб, умумий гуруҳда машғулот ўтказмоқда, дея хабар бермоқда The London Standard.

26 ёшли футболчи АПЛнинг 7-туридан ўрин олган "Вест Хэм"га қарши ўйинда бел оғриғидан шикоят қилди. У 79-дақиқада захирага олинди.

Ўтказилган тиббий кўрикда ярим ҳимоячининг жиддий жароҳат олгани аниқланмади.

2025/26 йилги мавсумда Райс барча мусобақаларда 10 та ўйинда 1 та гол урди ("Вест Хэм" билан ўйинда) ва 3 та голли узатмани амалга оширди. Терма жамоа сафида 68 та ўйинда 6 та гол ва 6 та голли узатмага муаллифлик қилган.

Англия терма жамоаси 9 октябрь куни Уэльсга қарши ўртоқлик ўйинида майдонга тушади.