Osiyo futbol konfederasiyasi (AFC) Tartib-intizom va etika qo‘mitasi “International Mirabror Usmanov Memorial Cup 2025” musobaqasiga oid qoidbuzarlik yuzasidan qaror chiqardi.

Qarorga ko‘ra, O‘zbekiston futbol assosiasiyasi (O‘FA) musobaqa uchun rasmiy ruxsat so‘rash tartibini belgilangan muddatdan kech taqdim etgan. Bu holat "AFC Regulations Governing International Matches" hujjatining 11.13-moddasi (Authorisation Procedure for Tier 2 International Matches and Competitions) talablarini buzish sifatida baholandi.

Ta’kidlanishicha, bu — qayta qoidabuzarlik belgilangan davrda sodir etilgan yettinchi holatdir.

Shu asosda, OFK quyidagi qarorni qabul qildi:

1. O‘zbekiston futbol assosiasiyasiga 11.13¹-moddani buzgani uchun 1 500 (bir yarim ming) AQSH dollari miqdorida jarima tayinlandi.

2. Ushbu jarima qaror rasman yetkazilgan sanadan boshlab 30 kun ichida to‘lanishi lozim (OFK Tartib-intizom va etika kodeksi, 11.3-modda asosida).

Ma’lumot uchun:
“Mirabror Usmanov Memorial Cup 2025” xalqaro musobaqasi 2025 yil 22 iyul — 28 iyul Toshkentda kunlari bo‘lib o‘tdi. Unda Yaponiya U-23 terma jamoasi g‘oliblikni qo‘lga kiritgan bo‘lsa, O‘zbekiston U-23 jamoasi ikkinchi o‘rinni qo‘lga kiritdi.