"Liverpul" markaziy himoyachisi Jo Gomes yaqin kelajakda klubni tark etishni rejalashtirmayapti.
O‘tgan yozda "qizillar" inglizni "Milan"ga qo‘yib yuborishga rozi bo‘lgan, ammo "Kristal Pelas" sardori Mark Gexining transferi amalga oshmay qolgani tufayli kelishuvni bekor qilishga majbur bo‘lgandi. Football Insider xabariga ko‘ra, Gomes muntazam o‘yin amaliyotiga ega bo‘lmasa-da, yanvar oyida ketishini so‘ramaydi.
"Milan" Jo Gomesga qiziqishda davom etmoqda, ammo u "Liverpul"da chuqur rotasiyaga ega o‘yinchi rolidan mamnun. Mersisaydliklar 28 yoshli futbolchini ham qadrlashadi - u asosiy markaziy himoyachilar jarohat olgan taqdirda Arne Slotga kerak bo‘ladi.













