Amerikaning Netflix striming servisi UYEFA Chempionlar Ligasi o‘yinlarini namoyish qilmoqchi. The Times nashri o‘z sahifalarida ma’lum qilishicha, ayni damda Netflix mutaxassislari Yevropaning asosiy klub musobaqasi o‘yinlarini translyasiya qilish huquqini qo‘lga kiritish uchun ariza topshirishga tayyorgarlik ko‘rmoqda.
Qayd etilishicha, UEFA klublar o‘rtasidagi turnir o‘yinlarini translyasiya qilish huquqini sotishdan taxminan 5 milliard yevro ishlab olmoqchi.
Chempionlar ligasining 2025/2026 yilgi mavsumida umumiy bosqichning ikki turi bo‘lib o‘tdi. "Bavariya", "Real", "PSJ", "Inter", "Arsenal" va "Qorabog‘" hozircha 6 ochkodan to‘plagan. Keyingi tur 21 va 22 oktyabr kunlari bo‘lib o‘tadi.
