Angliya terma jamoasi bosh murabbiyi Tomas Tuxel Uelsga qarshi o‘rtoqlik o‘yinida (3:0) muxlislardan norozi bo‘ldi.
"Stadionda sukunat hukm surardi - tribunalarda hech qanday qo‘llab-quvvatlash yo‘q edi. Ha, muxlislardan ko‘prog‘ini kutgandim. Dastlabki 20 daqiqada yana nima qilishimiz kerak edi? Yarim soat davomida biz faqat uelslik muxlislarni eshitdik, bu juda achinarli. Jamoamiz ko‘proq qo‘llab-quvvatlashga loyiq edi," - dedi Tuxel ITV telekanaliga bergan intervyusida.
14 oktyabr kuni Angliya terma jamoasi JCH-2026 saralash bosqichi doirasida safarda Latviyaga qarshi bahs olib boradi.













