Англия терма жамоаси бош мураббийи Томас Тухель Уэльсга қарши ўртоқлик ўйинида (3:0) мухлислардан норози бўлди.
"Стадионда сукунат ҳукм сурарди - трибуналарда ҳеч қандай қўллаб-қувватлаш йўқ эди. Ҳа, мухлислардан кўпроғини кутгандим. Дастлабки 20 дақиқада яна нима қилишимиз керак эди? Ярим соат давомида биз фақат уэльслик мухлисларни эшитдик, бу жуда ачинарли. Жамоамиз кўпроқ қўллаб-қувватлашга лойиқ эди," - деди Тухель ITV телеканалига берган интервьюсида.
14 октябрь куни Англия терма жамоаси ЖЧ-2026 саралаш босқичи доирасида сафарда Латвияга қарши баҳс олиб боради.
