"Barselona"da ijara asosida to‘p tepayotgan "Manchester Yunayted" hujumchisi Markus Reshford kelajagi borasida bir qarorga keldi.

Sunday Mirror xabariga ko‘ra, 27 yoshli ingliz Yevropaning boshqa top-klublari qiziqish bildirayotganiga qaramay, "Barselona"ga doimiy asosda o‘tishga qat’iy qaror qilgan.

Yozda Reshford "Barselona"ga ijara asosida kelib qo‘shilgan edi. Jamoa tarkibida u barcha musobaqalarda o‘nta o‘yinda uchta gol urdi va beshta golli uzatmani amalga oshirdi.

Avvalroq, "Barselona" Reshfordning shartnomasini "Manchester Yunayted"dan 30 million yevroga sotib olishi mumkinligi xabar qilingandi.