"Барселона"да ижара асосида тўп тепаётган "Манчестер Юнайтед" ҳужумчиси Маркус Рэшфорд келажаги борасида бир қарорга келди.
Sunday Mirror хабарига кўра, 27 ёшли инглиз Европанинг бошқа топ-клублари қизиқиш билдираётганига қарамай, "Барселона"га доимий асосда ўтишга қатъий қарор қилган.
Ёзда Рэшфорд "Барселона"га ижара асосида келиб қўшилган эди. Жамоа таркибида у барча мусобақаларда ўнта ўйинда учта гол урди ва бешта голли узатмани амалга оширди.
Аввалроқ, "Барселона" Рэшфорднинг шартномасини "Манчестер Юнайтед"дан 30 миллион еврога сотиб олиши мумкинлиги хабар қилинганди.
