"Barselona" vingeri Markus Reshford jamoadagi muvaffaqiyatlari uni ajablantirmasligini tan oldi.
Angliyalik futbolchi so‘nggi yillarda "Manchester Yunayted"da u qadar yorqin ko‘rinmayotgandi, ammo Kataloniyaga ko‘chib o‘tganidan keyin ishlari ancha yurishib ketdi.
"Hozirda "Barsa"ning eng sermahsul futbolchisi ekanligimdan hayron emasman. Men ko‘proq narsaga erishishim mumkinligini bilaman. Men hali eng yaxshi formamni to‘play olmadim, garchi yaqin bo‘lsa ham," - deya Reshfordning so‘zlarini keltiradi Barca Universal.
27 yoshli futbolchi Xans-Diter Flik jamoasi safida barcha musobaqalarda o‘nta o‘yinda maydonga tushib, uchta gol va beshta assistni o‘z hisobiga yozdirib qo‘ydi. Futbolchining ijarasi mavsum oxirigacha mo‘ljallangan.
