"Барселона" вингери Маркус Рэшфорд жамоадаги муваффақиятлари уни ажаблантирмаслигини тан олди.
Англиялик футболчи сўнгги йилларда "Манчестер Юнайтед"да у қадар ёрқин кўринмаётганди, аммо Каталонияга кўчиб ўтганидан кейин ишлари анча юришиб кетди.
"Ҳозирда "Барса"нинг энг сермаҳсул футболчиси эканлигимдан ҳайрон эмасман. Мен кўпроқ нарсага эришишим мумкинлигини биламан. Мен ҳали энг яхши формамни тўплай олмадим, гарчи яқин бўлса ҳам," - дея Рэшфорднинг сўзларини келтиради Barca Universal.
27 ёшли футболчи Ханс-Дитер Флик жамоаси сафида барча мусобақаларда ўнта ўйинда майдонга тушиб, учта гол ва бешта ассистни ўз ҳисобига ёздириб қўйди. Футболчининг ижараси мавсум охиригача мўлжалланган.
