"Roma"ning sobiq futbolchisi Franchesko Totti Madridning "Real" klubiga o‘tish arafasida bo‘lganini esladi.
"Bo‘rilar"ning sobiq sardori 2004 yilda ispan grandi safiga qo‘shilishi mumkin edi, ammo u faoliyatining oxirigacha rimliklarga sodiq qoldi.
"Real"ga muvaffaqiyatsiz transfer? Ha, faqat bir narsa - mening imzom yetishmasdi. Yuragim qolish kerakligini aytdi", - deya jahon chempionining so‘zlarini keltiradi Madrid Xtra.
Franchesko Totti "Roma" safida jami 785 ta o‘yinda maydonga tushib, 307 ta gol va 205 ta golli uzatmaga mualliflik qilgan. U 2017 yilda faoliyatini yakunlagan.
