"PSJ"ning rossiyalik darvozaboni Matvey Safonov 2026 yilning qishida "PSJ"ni tark etishi mumkin, deb yozadi Live Foot. Manbaga ko‘ra, klub sport direktori Luish Kampush 26 yoshli posbon uchun yangi klub qidirmoqda.
Transfer to‘g‘risidagi qaror yanvar oyidayoq qabul qilinishi mumkin. Qayd etilishicha, bu Safonovning o‘yin darajasiga bog‘liq emas. Futbolchining ketishi siyosiy omillar bilan bog‘liq.
Safonov "PSJ"ga 2024 yilning yozida "Krasnodar"dan o‘tgandi. U o‘tgan mavsum 17 ta o‘yinda maydonga tushib, 13 ta gol o‘tkazib yubordi va 7 ta o‘yinda o‘z darvozasi daxlsizligini saqlab qoldi.
Joriy mavsumda darvozabon hali biror marta "PSJ" o‘yinlarida maydonga tushmagan.
