Fransiya terma jamoasi va «PSJ» hujumchisi Usmon Dembele Adidas kompaniyasidan maxsus F50 butsalarini qabul qildi. Ular ko‘k va oltin ranglarda ishlangan bo‘lib, futbolchiga 2025 yilgi dunyoning eng yaxshi o‘yinchisi sifatida «Oltin to‘p» sovrinini qo‘lga kiritgani munosabati bilan taqdim etilgan.
O‘tgan mavsumda fransuz vingeri barcha musobaqalarda 53 ta o‘yinda maydonga tushib, 35 ta gol urdi va 16 ta golli uzatma berdi. Dembele «PSJ» tarkibida Chempionlar ligasi, Fransiya chempionati, mamlakat Kubogi va Superkubogida g‘alaba qozondi.
Futbolchining amaldagi shartnomasi klub bilan 2028 yil yozigacha mo‘ljallangan. Transfermarkt portali ma’lumotlariga ko‘ra, Dembelening bozor qiymati 100 million yevroni tashkil qiladi.
