"Liverpul"ning sobiq himoyachisi Jeymi Karragerning fikricha, Londonning "Arsenal" klubi Chempionlar ligasining joriy mavsumida g‘oliblikka asosiy da’vogarlardan biri hisoblanadi.

Mutaxassisning so‘zlariga ko‘ra, bu mavsumda "Arsenal" va "Bavariya"ning milliy chempionatlardagi va Yevropa maydonlaridagi natijalari alohida e’tiborga loyiq. Karragerning ta’kidlashicha, kuchli himoya jamoa muvaffaqiyatining asosiy omillaridan biri hisoblanadi.

"Hozir "Bavariya" va "Arsenal" ko‘proq taassurot qoldirmoqda. Ishonchli himoya har doim g‘alaba qozonish imkonini beradi, ayniqsa pley-off o‘yinlarida. Shuning uchun "Arsenal"ni Chempionlar Ligasida g‘olib chiqishga qodir to‘rt-beshta jamoa qatorida ko‘ryapman," - deya Karrageraning so‘zlarini keltiradi Mirror.

Eslatib o‘tamiz, 21 oktyabr kuni "kanonirlar" o‘z muxlislari qarshisida "Atletiko"ni yirik hisobda mag‘lub etdi - 4:0.