"Ливерпуль"нинг собиқ ҳимоячиси Жейми Каррагернинг фикрича, Лондоннинг "Арсенал" клуби Чемпионлар лигасининг жорий мавсумида ғолибликка асосий даъвогарлардан бири ҳисобланади.

Мутахассиснинг сўзларига кўра, бу мавсумда "Арсенал" ва "Бавария"нинг миллий чемпионатлардаги ва Европа майдонларидаги натижалари алоҳида эътиборга лойиқ. Каррагернинг таъкидлашича, кучли ҳимоя жамоа муваффақиятининг асосий омилларидан бири ҳисобланади.

"Ҳозир "Бавария" ва "Арсенал" кўпроқ таассурот қолдирмоқда. Ишончли ҳимоя ҳар доим ғалаба қозониш имконини беради, айниқса плей-офф ўйинларида. Шунинг учун "Арсенал"ни Чемпионлар Лигасида ғолиб чиқишга қодир тўрт-бешта жамоа қаторида кўряпман," - дея Каррагеранинг сўзларини келтиради Mirror.

Эслатиб ўтамиз, 21 октябрь куни "канонирлар" ўз мухлислари қаршисида "Атлетико"ни йирик ҳисобда мағлуб этди - 4:0.