Germaniya kubogi 1/16 final bosqichi doirasidagi safar o‘yinida "Bavariya" safarda "Kyoln"ni yirik 4:1 hisobida mag‘lub etdi. Bu haqda myunxenliklar ustozi Vensan Kompani o‘z fikrlarini bildirib o‘tdi.
"Jamoalar kubok uchun ajoyib jang o‘tkazishdi. O‘tkazib yuborilgan to‘pdan keyin o‘yinni o‘zgartira oldik. "Bavariya" yuqori tempda o‘ynadi. Raqib kurashishga harakat qildi va o‘yinga qaytmoqchi bo‘ldi. Hozir tiklanishimiz kerak, axir bizda olti kun ichida uchta o‘yin bor", - deya belgiyalik mutaxassisning so‘zlarini keltiradi klub matbuot xizmati.
"Bavariya" navbatdagi uchrashuvni o‘z maydonida Leverkuzenning "Bayer" klubiga qarshi o‘tkazadi. O‘yin 1 noyabrga belgilangan.
