Германия кубоги 1/16 финал босқичи доирасидаги сафар ўйинида "Бавария" сафарда "Кёлн"ни йирик 4:1 ҳисобида мағлуб этди. Бу ҳақда мюнхенликлар устози Венсан Компани ўз фикрларини билдириб ўтди.

"Жамоалар кубок учун ажойиб жанг ўтказишди. Ўтказиб юборилган тўпдан кейин ўйинни ўзгартира олдик. "Бавария" юқори темпда ўйнади. Рақиб курашишга ҳаракат қилди ва ўйинга қайтмоқчи бўлди. Ҳозир тикланишимиз керак, ахир бизда олти кун ичида учта ўйин бор", - дея бельгиялик мутахассиснинг сўзларини келтиради клуб матбуот хизмати.

"Бавария" навбатдаги учрашувни ўз майдонида Леверкузеннинг "Байер" клубига қарши ўтказади. Ўйин 1 ноябрга белгиланган.