"Real" prezidenti lavozimida ishlab kelayotgan Florentino Peres hujumchi Kilian Mbappega murojaat qildi. Juma kuni fransuz o‘tgan mavsum uchun "Oltin butsa"ni qo‘lga kiritdi.

"Hammaga salom. Bugun barchamiz uchun alohida kun. Bu nufuzli mukofot va men Kilian Mbappe jamoamizda ekanligidan juda xursandman. Men bundan faxrlanaman.

Mukofot bilan tabriklayman. Sen bu sovrinni o‘tgan mavsumda umumiy 44 ta gol, La Ligada 34 ta o‘yinda 31 ta gol evaziga qo‘lga kiritding. Sen bu kunni abadiy eslab qolasan. "Oltin butsa"ni qo‘lga kiritish juda qiyin. Sen "Real" tarixida buni uddalagan to‘rtinchi futbolchisan.

Qadrli Kilian, bu "Oltin butsa" sen uchun katta muvaffaqiyatlarga erishishda davom etish uchun rag‘batdir. O‘tgan yili sen orzuingni amalga oshirding va men bu yerda ekaningdan faxrlanaman," - dedi Peres tadbirda.

"Real" Ispaniya chempionatida peshqadamlik qilmoqda va ikkinchi o‘rindagi "Barselona"ni 5 ochkoga ortda qoldirmoqda.