"Реал" президенти лавозимида ишлаб келаётган Флорентино Перес ҳужумчи Килиан Мбаппега мурожаат қилди. Жума куни француз ўтган мавсум учун "Олтин бутса"ни қўлга киритди.

"Ҳаммага салом. Бугун барчамиз учун алоҳида кун. Бу нуфузли мукофот ва мен Килиан Мбаппе жамоамизда эканлигидан жуда хурсандман. Мен бундан фахрланаман.

Мукофот билан табриклайман. Сен бу совринни ўтган мавсумда умумий 44 та гол, Ла Лигада 34 та ўйинда 31 та гол эвазига қўлга киритдинг. Сен бу кунни абадий эслаб қоласан. "Олтин бутса"ни қўлга киритиш жуда қийин. Сен "Реал" тарихида буни уддалаган тўртинчи футболчисан.

Қадрли Килиан, бу "Олтин бутса" сен учун катта муваффақиятларга эришишда давом этиш учун рағбатдир. Ўтган йили сен орзуингни амалга оширдинг ва мен бу ерда эканингдан фахрланаман," - деди Перес тадбирда.

"Реал" Испания чемпионатида пешқадамлик қилмоқда ва иккинчи ўриндаги "Барселона"ни 5 очкога ортда қолдирмоқда.