"Manchester Yunayted"ning sobiq hujumchisi va tarixdagi eng yaxshi to‘purari Ueyn Runi Karlos Tevesni klubdagi faoliyati davomida hujumdagi eng yaxshi sherigi deb atadi.
"Hujumda eng yaxshi sherik? Teves. Karlos bilan o‘ynash menga chindan ham juda yoqardi. O‘sha vaqtlarda matbuotda biz juda o‘xshash ekanligimiz va go‘yoki birgalikda harakat qila olmasligimiz haqida yozishgandi.
Ammo, menimcha, ikkalamiz ham buning aksini isbotlamoqchi edik. Agressiv harakat qildik, to‘psiz ko‘p ishladik, bir-birimizni qo‘llab-quvvatladik. Ba’zida men hujumchi rolida chiqardim, u hujumchi ostida, keyin esa aksincha. Shuning uchun aynan Tevesni hujumdagi sevimli sherigim deb atagan bo‘lardim," - deya qayd etdi Runi.
