Madridning "Real" klubi seshanba kuni Chempionlar ligasi doirasida safarda "Liverpul"ga qarshi bahs olib boradi.
Kuni kecha "qaymoqranglilar" "Enfild"da o‘yinoldi mashg‘ulotlarini o‘tkazmaslikka qaror qilgani ma’lum bo‘ldi. Bosh murabbiy Xabi Alonso bu ma’lumotni tasdiqladi va izoh berdi.
"Liverpul"ga qarshi o‘yin oldidan "Enfild"da mashg‘ulot o‘tkazmaymiz. Biz o‘z bazamizda shug‘ullanishni afzal ko‘ramiz, chunki bizni 200 ta kamera suratga olishini istamaymiz," - deya ispan grandi bosh murabbiyining so‘zlarini keltiradi The Touchline.
"Real" shanba kuni La Ligada "Valensiya" ustidan yirik hisobda g‘alaba qozondi (4:0). Seshanba kungi "Liverpul"ga qarshi bahs Toshkent vaqti bilan 01:00da boshlanadi.













