Niderlandiya grandi "Ayaks"ning yangi bosh murabbiyi "Volfsburg"ning sobiq ustozi Pol Simonis bo‘lishi mumkin. Bu haqda jurnalist Florian Plettenberg xabar bermoqda.
Manbaga ko‘ra, "Ayaks" texnik direktori Aleks Krus allaqachon 40 yoshli niderlandiyalik bilan muzokaralarga kirishgan. Ta’kidlanishicha, Simonis o‘tgan yozda ham klubning short-listida bo‘lgan, ammo o‘shanda mutaxassis Germaniyaning "Volfsburg" klubini qabul qilib olgan va u yerda atigi to‘rt oy ishlagan.
"Ayaks" 12 turdan so‘ng Niderlandiya chempionati turnir jadvalida to‘rtinchi o‘rinda bormoqda. Jamoa hisobida 20 ochko bor, peshqadamdan ortda qolish esa 11 ochkoni tashkil etmoqda.
