Нидерландия гранди "Аякс"нинг янги бош мураббийи "Вольфсбург"нинг собиқ устози Пол Симонис бўлиши мумкин. Бу ҳақда журналист Флориан Плеттенберг хабар бермоқда.
Манбага кўра, "Аякс" техник директори Алекс Крус аллақачон 40 ёшли нидерландиялик билан музокараларга киришган. Таъкидланишича, Симонис ўтган ёзда ҳам клубнинг шорт-листида бўлган, аммо ўшанда мутахассис Германиянинг "Вольфсбург" клубини қабул қилиб олган ва у ерда атиги тўрт ой ишлаган.
"Аякс" 12 турдан сўнг Нидерландия чемпионати турнир жадвалида тўртинчи ўринда бормоқда. Жамоа ҳисобида 20 очко бор, пешқадамдан ортда қолиш эса 11 очкони ташкил этмоқда.
