Madridning "Atletiko" klubi futbolchisi Markos Lyorente Chempionlar ligasida Milanning "Inter" klubi bilan bo‘ladigan uchrashuv haqida fikr bildirdi. Bellashuv 26 noyabr kuni "matraschilar" maydonida bo‘lib o‘tadi.
"Inter" - sifatli futbolchilar yetarli bo‘lgan ajoyib jamoa. Ular murabbiy o‘zgarganidan keyin o‘zgarmagan uslubga ega. "Inter" Chempionlar Ligasidagi to‘rtta o‘yinning barchasida g‘alaba qozondi, shuning uchun bizni juda qiziqarli o‘yin kutmoqda," - deya Lyorentening so‘zlarini keltiradi La Gazzetta dello Sport.
Diyego Simeone jamoasi 4 turdan so‘ng 6 ochko bilan umumjamoa hisobida 17-o‘rinni egallab turibdi. "Neradzurrilar" 12 ochko bilan uchinchi o‘rinda.
