Dortmundning "Borussiya" klubi hujumchisi Seru Girassi faoliyatini Yevropadan tashqarida davom ettirishi mumkin.
29 yoshli futbolchini Saudiya Arabistoni chempionatining nomi oshkor etilmagan klubi sotib olmoqchi. Jurnalist Nikolo Skiraning ma’lumotlariga ko‘ra, gvineyalik futbolchiga katta shartlar - yiliga 20 million yevro maosh bilan uch yillik shartnoma taklif qilishga tayyor.
Seru Girassi "Borussiya" safida 65 ta o‘yinda 45 ta gol urgan, shuningdek, futbolchi 13 ta golli uzatmani amalga oshirgan. "Asalarilar" yulduzining Transfermarkt saytidagi taxminiy narxi - 45 mln yevro. Forvardning amaldagi mehnat shartnomasi 2028 yilgacha mo‘ljallangan.
