Дортмунднинг "Боруссия" клуби ҳужумчиси Серу Гирасси фаолиятини Европадан ташқарида давом эттириши мумкин.
29 ёшли футболчини Саудия Арабистони чемпионатининг номи ошкор этилмаган клуби сотиб олмоқчи. Журналист Николо Скиранинг маълумотларига кўра, гвинеялик футболчига катта шартлар - йилига 20 миллион евро маош билан уч йиллик шартнома таклиф қилишга тайёр.
Серу Гирасси "Боруссия" сафида 65 та ўйинда 45 та гол урган, шунингдек, футболчи 13 та голли узатмани амалга оширган. "Асаларилар" юлдузининг Transfermarkt сайтидаги тахминий нархи - 45 млн евро. Форварднинг амалдаги меҳнат шартномаси 2028 йилгача мўлжалланган.
