"Manchester Yunayted" yarim himoyachisi Kazemiro Karlo Anchelotti haqida fikr bildirib, Vinisius Junior va Eder Militaoning o‘sishida italiyalik mutaxassisning ta’siri borligini aytdi.
Braziliyalik futbolchi Anchelotti bilan o‘n yildan ko‘proq vaqtdan beri tanish ekanini eslatib, "Real"da birga ishlaganidan beri ishga yondashuvi deyarli o‘zgarmaganini ta’kidladi. Kazemironing so‘zlariga ko‘ra, aynan Anchelotti klubga qaytganida, ko‘pchilik uning barqarorligiga shubha qilganida, Vinisius sifatli o‘sish ko‘rsatdi.
"Men u bilan doim yaxshi chiqishardim. U "Real"ga ikkinchi marta kelganida Vinisiusni o‘zgartirdi. Odamlarda Vini haqida shubhalar bor edi, ammo aynan u uni va Militaoni o‘zgartirdi," - deya Kazemironing so‘zlarini keltiradi Globo.
Anchelotti Braziliya terma jamoasini 2025 yilning may oyida qabul qilib olgandi.













