"Манчестер Юнайтед" ярим ҳимоячиси Каземиро Карло Анчелотти ҳақида фикр билдириб, Винисиус Жуниор ва Эдер Милитаонинг ўсишида италиялик мутахассиснинг таъсири борлигини айтди.
Бразилиялик футболчи Анчелотти билан ўн йилдан кўпроқ вақтдан бери таниш эканини эслатиб, "Реал"да бирга ишлаганидан бери ишга ёндашуви деярли ўзгармаганини таъкидлади. Каземиронинг сўзларига кўра, айнан Анчелотти клубга қайтганида, кўпчилик унинг барқарорлигига шубҳа қилганида, Винисиус сифатли ўсиш кўрсатди.
"Мен у билан доим яхши чиқишардим. У "Реал"га иккинчи марта келганида Винисиусни ўзгартирди. Одамларда Вини ҳақида шубҳалар бор эди, аммо айнан у уни ва Милитаони ўзгартирди," - дея Каземиронинг сўзларини келтиради Globo.
Анчелотти Бразилия терма жамоасини 2025 йилнинг май ойида қабул қилиб олганди.
