Turkiyaning "Galatasaroy" klubi hujumchisi Mauro Ikardi 2023 yilning yozida Saudiya Arabistonidan bo‘lgan taklifni rad etgandi. Uch yilga mo‘ljallangan potensial shartnoma 120 million yevrodan oshgan edi.
"2023 yilning yozida u Saudiya Arabistonining uch yil uchun 120 million yevrodan ortiq bo‘lgan taklifini rad etdi, chunki u muxlislarning mehrini his qildi va klubda qolishga qaror qildi," - deya futbolchining agenti Jorj Gardining so‘zlarini keltiradi Fichajes.
Argentinalik hujumchining Fransiyaning "Pari Sen-Jermen" klubidan "Galatasaroy"ga yakuniy o‘tishi aynan 2023 yilda rasmiylashtirilgan, shundan so‘ng Yaqin Sharq ligasidan taklif bo‘lgandi.
Joriy mavsumda 32 yoshli futbolchi ba’zida zaxiradan o‘yinga qo‘shilishiga qaramay, milliy chempionatda o‘tkazilgan 11 o‘yinda 6 ta gol urgan. Argentinalik futbolchining Istanbul klubi bilan amaldagi mehnat shartnomasi kelasi yozda o‘z nihoyasiga yetadi.
