Туркиянинг "Галатасарой" клуби ҳужумчиси Мауро Икарди 2023 йилнинг ёзида Саудия Арабистонидан бўлган таклифни рад этганди. Уч йилга мўлжалланган потенциал шартнома 120 миллион евродан ошган эди.
"2023 йилнинг ёзида у Саудия Арабистонининг уч йил учун 120 миллион евродан ортиқ бўлган таклифини рад этди, чунки у мухлисларнинг меҳрини ҳис қилди ва клубда қолишга қарор қилди," - дея футболчининг агенти Жорж Гардининг сўзларини келтиради Fichajes.
Аргентиналик ҳужумчининг Франциянинг "Пари Сен-Жермен" клубидан "Галатасарой"га якуний ўтиши айнан 2023 йилда расмийлаштирилган, шундан сўнг Яқин Шарқ лигасидан таклиф бўлганди.
Жорий мавсумда 32 ёшли футболчи баъзида захирадан ўйинга қўшилишига қарамай, миллий чемпионатда ўтказилган 11 ўйинда 6 та гол урган. Аргентиналик футболчининг Истанбул клуби билан амалдаги меҳнат шартномаси келаси ёзда ўз ниҳоясига етади.
