Niderlandiya terma jamoasi sharafini xalqaro miqyosda himoya qilayotgan "Liverpul" markaziy himoyachisi Virjil van Deyk terma jamoa safida o‘ziga xos yutuq muallifi bo‘ldi. Bu haqda vi.nl xabar bermoqda.
17 noyabr kuni bo‘lib o‘tgan Jahon chempionati saralash bosqichi doirasidagi Litva bilan o‘yin (4:0) van Deyk uchun Niderlandiya sardori sifatidagi 72-o‘yin bo‘ldi. Bu yangi rekord. U 71 ta o‘yinda sardorlik qilgan Frank de Burni ortda qoldirdi.
Shuningdek, sardorlik bog‘ichidagi o‘yinlar soni bo‘yicha top-10likka quyidagilar kiradi: Rud Krol (45), Rud Gullit (41), Xarri Denis (37), Edvin van der Sar (36), Yoxan Kroyff (34), Ronald Kuman (33), Jovanni van Bronkxorst (33) va Pyuk van Xel (29).
