Нидерландия терма жамоаси шарафини халқаро миқёсда ҳимоя қилаётган "Ливерпуль" марказий ҳимоячиси Виржил ван Дейк терма жамоа сафида ўзига хос ютуқ муаллифи бўлди. Бу ҳақда vi.nl хабар бермоқда.

17 ноябрь куни бўлиб ўтган Жаҳон чемпионати саралаш босқичи доирасидаги Литва билан ўйин (4:0) ван Дейк учун Нидерландия сардори сифатидаги 72-ўйин бўлди. Бу янги рекорд. У 71 та ўйинда сардорлик қилган Франк де Бурни ортда қолдирди.

Шунингдек, сардорлик боғичидаги ўйинлар сони бўйича топ-10ликка қуйидагилар киради: Руд Крол (45), Руд Гуллит (41), Харри Денис (37), Эдвин ван дер Сар (36), Йохан Кройфф (34), Рональд Куман (33), Жованни ван Бронкхорст (33) ва Пюк ван Хел (29).