"Andijon" bosh murabbiyligidan iste’foga chiqarilgan Maksim Shaskix jamoada o‘tkazgan faoliyati borasida quyidagilarni ma’lum qildi.
"Andijon" klubida o‘tkazgan faoliyatim davomida bizni qo‘llab-quvvatlagan barchaga - viloyat hokimi, bosh homiy, klub rahbarlari va albatta jamoaning jonkuyar muxlislariga minnatdorchilik bildiraman. Ayniqsa, "Ultras Burgut"ga alohida rahmat. Men ularni qo‘llab-quvvatlovini doim his qilib keldim, bizni yolg‘iz qoldirishmadi.
Albatta, natija ko‘rsatish uchun qo‘limizdan kelganicha maksimal darajada harakat qildik. Har bir uchrashuvda ishqibozlarni xursand qilishni istadik. Chunki ular eng zo‘ri. Lekin, afsuski, biz o‘ylagandek bo‘lib chiqmadi.
Jamoaga barcha sharoitlar yaratib berildi, bu borada hech qanday muammo yo‘q. Lekin bu hayot. Iste’foni to‘g‘ri qabul qildim va hech kimdan xafa emasman. "Andijon" klubiga omad tilayman", - dedi Maksim Aleksandrovich.
