Sobiq bosh murabbiy Fabio Kapello "Inter" va "Milan" o‘rtasidagi bo‘lajak derbi haqida o‘z fikrlari bilan o‘rtoqlashdi.

Kapelloning ta’kidlashicha, bunday janglar oldidan murabbiylar futbolchilarning kayfiyatini buzmaslik uchun ularga ortiqcha ko‘rsatmalar bermasligi kerak, chunki bunday o‘yinlarda qo‘shimcha motivasiya talab qilinmaydi.

Shuningdek, u Massimiliano Allegri "Milan"da ajoyib ish qilganini va "Inter"ga jiddiy qiyinchiliklar tug‘dirishga qodir ekanini ta’kidladi. Biroq, Kapelloning fikriga ko‘ra, Kivuning jamoasi baribir kuchliroq ko‘rinadi va muvaffaqiyatga asosiy da’vogar bo‘lib qolmoqda.

11-turdan so‘ng "Inter" 24 ochko bilan A Seriya turnir jadvalida peshqadamlik qilmoqda. "Milan" 22 ochko bilan uchinchi o‘rinda bormoqda.